राजस्थानी ऒळखांण: 17 जून 2010

धन माता, धन मुरधरा

धन माता, धन मुरधरा, रणबँका की खान

करगिल सूँ भी छह गुणा, होग्या खेत जवान

घात लगा हमला करै, नक्सल कायर ज्याँन

बिना धार तलवार भी, म्हाँ धर दी छै म्याँन

ब्याव सुदौ सोअेब छै, सोलह आना साँच

यो तलाक साबित करी, बात साफ ज्यूँ काँच

"ऊपर" सूँ भी "परम" छै, कोयी तो आदेस

छीया कोई दे रही, अफसर ने सन्देस

बाहुबली जल चोर छै, बणया रह्या तकदीर

सरकारी सखती जियाँ, पाणी करी लकीर

सब पाणी की लूट मैं, लेबा लाग्या सीर

नौलयाँ नाणाँ सूँ भरी, नैणा खूट्यो नीर

कण-कण मुरधर रेत मैं, कायम सूरज अेक

ताप-रोसनी-जल मिलै, करौ इरादो नेक

घणाँ घराँ दो जूँण की, रोट्याँ छै दरकार

उण घर टींगर नै मिलै, पढबा को अधिकार

आपाँ के भी हो रह्यो, दोय तरफ सूँ कूच

जनता कै सरकार की, ऊँची रहज्या मूँछ

ऊसर मैं हल-चल कियाँ, बीज उगन्ता काहि?

खल-चारा का भोग सूँ, बलद दूजता नाहि

मोरू भाई पांवणा

Rao GumanSingh Guman singh

आया आया रे
मोरू भाई पांवणा
कांई आगे धोरा वाळो देश
बीरो बणजारो रे
कांई आया म्‍हारा देवर जेठ
बीरो बणजारो रे
सासू रांध्‍या रे मोरू भाई बांकळा
म्‍हारी नणद बिलोवे खाटी छाछ
बीरो बणजारो रे
मंगरिया उंछाळू रे
मोरू भाई बांकळा
नदिया में लिमोऊं खाटी छाछ
बीरो बणजारो रे
माथा धोऊं रे
मोरू भाई मेट सूं
कांई घालूं चमेली रो तेल
बीरो बणजारो रे

comments (1) | Labels: राजस्थानी भासा, लोकगीत

सदस्यता लें संदेश (Atom)