संदेश
पिउ पीयै दारूह का मंगलाचरण
वरद बण्यो रै रावळौ
दूंदाळा गुणपत्त
दारू रा दुख मांडवा
बुध बगसो सुरसत्त
------------------
कंथ कमावै मोकळौ
कलाळां सारूह
घर रा सह ग्यारस करां
पिउ पियै दारूह
उडकूं आधी रात तंइ
वळै न वै बारूंह
दहु रा दहु भूका सुआं
पिउ पियै दारूह
किण घर जा सुख सांस लूं
कुण जा पुकारूंह
पीहरिये बाबल पियै
(अठै) पिउ पियै दारूह
म्हां जसड़ी धण मोकळी
म्हां जसड़ा मारूह
सै सामल आंसू पियां
पिउ पियै दारूह
घर ग्रस्ती री नाव या
लागै किम पारूह
प्याला री पतवार लै
पिउ पियै दारूह
बिन पत फळण्या रूंखड़ा
(थारो) फळणों धिक्कारूंह
बिन पत म्हारो घर करîो
पिउ पियै दारूह
क्यूं प्रभु थैं समदर मथ्यौ
मो घर दुख सारूह
विख अमरत तो कुण पियौ
पिउ पियै दारूह
cont......Next Post
वरद बण्यो रै रावळौ
दूंदाळा गुणपत्त
दारू रा दुख मांडवा
बुध बगसो सुरसत्त
------------------
कंथ कमावै मोकळौ
कलाळां सारूह
घर रा सह ग्यारस करां
पिउ पियै दारूह
उडकूं आधी रात तंइ
वळै न वै बारूंह
दहु रा दहु भूका सुआं
पिउ पियै दारूह
किण घर जा सुख सांस लूं
कुण जा पुकारूंह
पीहरिये बाबल पियै
(अठै) पिउ पियै दारूह
म्हां जसड़ी धण मोकळी
म्हां जसड़ा मारूह
सै सामल आंसू पियां
पिउ पियै दारूह
घर ग्रस्ती री नाव या
लागै किम पारूह
प्याला री पतवार लै
पिउ पियै दारूह
बिन पत फळण्या रूंखड़ा
(थारो) फळणों धिक्कारूंह
बिन पत म्हारो घर करîो
पिउ पियै दारूह
क्यूं प्रभु थैं समदर मथ्यौ
मो घर दुख सारूह
विख अमरत तो कुण पियौ
पिउ पियै दारूह
cont......Next Post