संदेश
केसरीया बालम कहूं, किणनें मन री पीर।
बांस विरह रो रुंखडौ, निकळ्यौ छाती चीर॥
केसरीया बालम कहूं, गाढा माढां राग।
आवो घर अलबेलडा, उपजावण अनुराग॥
केसरीया बालम कहूं,किम विसरीया कंत।
निसरिया आसूं नयण, (जिण)हरिया वन दरसंत॥ केसरीया बालम कहूं, जळूं विरह री झाळ ।
आव अषाढै मेह ज्यूं,(तौ) भींजूं इण बरसाळ॥
केसरीया बालम कहूं,नेह निभाज्यौ नाह।
आय मिळौ म्हानै अठै, गाढ भरण गळबांह॥
नरपतदान आवडदान आशिया"वैतालिक " कृत
प्यारी कवितायें