राजस्थानी ऒळखांण: बाजूबंद री लूम

धन माता, धन मुरधरा

धन माता, धन मुरधरा, रणबँका की खान

करगिल सूँ भी छह गुणा, होग्या खेत जवान

घात लगा हमला करै, नक्सल कायर ज्याँन

बिना धार तलवार भी, म्हाँ धर दी छै म्याँन

ब्याव सुदौ सोअेब छै, सोलह आना साँच

यो तलाक साबित करी, बात साफ ज्यूँ काँच

"ऊपर" सूँ भी "परम" छै, कोयी तो आदेस

छीया कोई दे रही, अफसर ने सन्देस

बाहुबली जल चोर छै, बणया रह्या तकदीर

सरकारी सखती जियाँ, पाणी करी लकीर

सब पाणी की लूट मैं, लेबा लाग्या सीर

नौलयाँ नाणाँ सूँ भरी, नैणा खूट्यो नीर

कण-कण मुरधर रेत मैं, कायम सूरज अेक

ताप-रोसनी-जल मिलै, करौ इरादो नेक

घणाँ घराँ दो जूँण की, रोट्याँ छै दरकार

उण घर टींगर नै मिलै, पढबा को अधिकार

आपाँ के भी हो रह्यो, दोय तरफ सूँ कूच

जनता कै सरकार की, ऊँची रहज्या मूँछ

ऊसर मैं हल-चल कियाँ, बीज उगन्ता काहि?

खल-चारा का भोग सूँ, बलद दूजता नाहि

बाजूबंद री लूम

Rao GumanSingh Guman singh

टूटे बाजूडा री लूम लड़ उलझी उलझी जाए
टूटे बाजूबंद री लूम लड़ उलझी उलझी जाए
कोई पंचरंगी लहेरिया रो पल्लो लहेराए
धीरे चालो नी बायरिया हौळे हालो नी बयारिया
झालो सहयो नही जाए
टूटे बाजूडा री लूम लड़ उलझी उलझी जाए
टूटे बाजूबंद री लूम लड़ उलझी उलझी जाए
कोई पंचरंगी लहेरिया रो पल्लो लहेराए
धीरे चालो नी बायरिया हौळे हालो नी बयारिया
झालो सहयो नही जाए
लागी प्यारी फुलवारी आतो झूम झूम जाए
ल्याई गोरी रो संदेशो घर आओ नी सजन
बैरी आंसुडा रो हार बिखर नही जाए
कोई चमकी री चुंदरी में सळ पड़ जाए
धीरे चालो नी बायरिया हौळे हालो नी बयारिया
झालो सहयो नही जाए
धीरे चालो नी बायरिया हौळे हालो री बयारिया
झालो सहयो नही जाए

| Labels: मारवाड़, लोकगीत, श्रृंगाररस

0 comments:

एक टिप्पणी भेजें

सदस्यता लें टिप्पणियाँ भेजें (Atom)