राजस्थानी ऒळखांण: बैठूंगी मोटर कार में

धन माता, धन मुरधरा

धन माता, धन मुरधरा, रणबँका की खान

करगिल सूँ भी छह गुणा, होग्या खेत जवान

घात लगा हमला करै, नक्सल कायर ज्याँन

बिना धार तलवार भी, म्हाँ धर दी छै म्याँन

ब्याव सुदौ सोअेब छै, सोलह आना साँच

यो तलाक साबित करी, बात साफ ज्यूँ काँच

"ऊपर" सूँ भी "परम" छै, कोयी तो आदेस

छीया कोई दे रही, अफसर ने सन्देस

बाहुबली जल चोर छै, बणया रह्या तकदीर

सरकारी सखती जियाँ, पाणी करी लकीर

सब पाणी की लूट मैं, लेबा लाग्या सीर

नौलयाँ नाणाँ सूँ भरी, नैणा खूट्यो नीर

कण-कण मुरधर रेत मैं, कायम सूरज अेक

ताप-रोसनी-जल मिलै, करौ इरादो नेक

घणाँ घराँ दो जूँण की, रोट्याँ छै दरकार

उण घर टींगर नै मिलै, पढबा को अधिकार

आपाँ के भी हो रह्यो, दोय तरफ सूँ कूच

जनता कै सरकार की, ऊँची रहज्या मूँछ

ऊसर मैं हल-चल कियाँ, बीज उगन्ता काहि?

खल-चारा का भोग सूँ, बलद दूजता नाहि

बैठूंगी मोटर कार में

Rao GumanSingh Guman singh

चाहे बिक जाये हरियो रूमाळ
बैठूंगी मोटर कार में

चाहे सास बिको चाहे ससुर बिको
चाहे बिक जाये नणद छिनार
बैठूंगी मोटर कार में

चाहे देवर बिको चाहे देराणी बिको
चाहे बिक जाये सारा रूमाळ
बैठूंगी मोटर कार में

चाहे जेठ बिको चाहे जेठाणी बिको
चाहे बिक जाये हरियो रूमाळ
बैठूंगी मोटर कार में

चाहे बलम बिको चाहे सौंक बिको
चाहे बिक जाये सांस को लाल
बैठूंगी मोटर कार में

| Labels: ड़िंगळ, राजस्थानी भासा, लोकगीत

0 comments:

एक टिप्पणी भेजें

सदस्यता लें टिप्पणियाँ भेजें (Atom)