राजस्थानी ऒळखांण: हो बांगा माहे

धन माता, धन मुरधरा

धन माता, धन मुरधरा, रणबँका की खान

करगिल सूँ भी छह गुणा, होग्या खेत जवान

घात लगा हमला करै, नक्सल कायर ज्याँन

बिना धार तलवार भी, म्हाँ धर दी छै म्याँन

ब्याव सुदौ सोअेब छै, सोलह आना साँच

यो तलाक साबित करी, बात साफ ज्यूँ काँच

"ऊपर" सूँ भी "परम" छै, कोयी तो आदेस

छीया कोई दे रही, अफसर ने सन्देस

बाहुबली जल चोर छै, बणया रह्या तकदीर

सरकारी सखती जियाँ, पाणी करी लकीर

सब पाणी की लूट मैं, लेबा लाग्या सीर

नौलयाँ नाणाँ सूँ भरी, नैणा खूट्यो नीर

कण-कण मुरधर रेत मैं, कायम सूरज अेक

ताप-रोसनी-जल मिलै, करौ इरादो नेक

घणाँ घराँ दो जूँण की, रोट्याँ छै दरकार

उण घर टींगर नै मिलै, पढबा को अधिकार

आपाँ के भी हो रह्यो, दोय तरफ सूँ कूच

जनता कै सरकार की, ऊँची रहज्या मूँछ

ऊसर मैं हल-चल कियाँ, बीज उगन्ता काहि?

खल-चारा का भोग सूँ, बलद दूजता नाहि

हो बांगा माहे

Rao GumanSingh Guman singh

शहर बाजार में जाइजो हो बना जी हो राज
पान मंगाय वो रंगतदार बनजी बांगा माहे
पांन खाय बनी सांभी सभी, बना हजी हो राजे
बनो खीचे बनी से हाथ .. हो बांगा माहे
हाव्यलड़ों मत खीचों बना जी हो राजे
रुपया लेस्सूँ सात हजार .... हो बांगा माहे
ऊधार फुझाब मैं नहीं करां हो राज
रुपया गिगलां सात हजार ... हो बांगा माहे
शहर बाजरां मती जाइजो हो राज
म्हांने परदेसी रो कांई रे विसवास .. हो बांगा माहे...

| Labels: ड़िंगळ, मारवाड़, राजस्थानी भासा, लोकगीत

0 comments:

एक टिप्पणी भेजें

सदस्यता लें टिप्पणियाँ भेजें (Atom)