राजस्थानी ऒळखांण: आ मन री बात बता दादी

धन माता, धन मुरधरा

धन माता, धन मुरधरा, रणबँका की खान

करगिल सूँ भी छह गुणा, होग्या खेत जवान

घात लगा हमला करै, नक्सल कायर ज्याँन

बिना धार तलवार भी, म्हाँ धर दी छै म्याँन

ब्याव सुदौ सोअेब छै, सोलह आना साँच

यो तलाक साबित करी, बात साफ ज्यूँ काँच

"ऊपर" सूँ भी "परम" छै, कोयी तो आदेस

छीया कोई दे रही, अफसर ने सन्देस

बाहुबली जल चोर छै, बणया रह्या तकदीर

सरकारी सखती जियाँ, पाणी करी लकीर

सब पाणी की लूट मैं, लेबा लाग्या सीर

नौलयाँ नाणाँ सूँ भरी, नैणा खूट्यो नीर

कण-कण मुरधर रेत मैं, कायम सूरज अेक

ताप-रोसनी-जल मिलै, करौ इरादो नेक

घणाँ घराँ दो जूँण की, रोट्याँ छै दरकार

उण घर टींगर नै मिलै, पढबा को अधिकार

आपाँ के भी हो रह्यो, दोय तरफ सूँ कूच

जनता कै सरकार की, ऊँची रहज्या मूँछ

ऊसर मैं हल-चल कियाँ, बीज उगन्ता काहि?

खल-चारा का भोग सूँ, बलद दूजता नाहि

आ मन री बात बता दादी

Rao GumanSingh Guman singh

आ मन री बात बता दादी।
कुण करग्यो घात बता दादी।।

भाषा थारी लेग्या लूंठा।
कुण देग्या मात बता दादी।।

दिन तो काट लियो अणबोल्यां।
कद कटसी रात बता दादी।।

मामा है जद कंस समूळा।
कुण भरसी भात बता दादी।।

भींतां जब दुड़गी सगळी।
कठै टिकै छात बता दादी।।

ओम पुरोहित 'कागद'

| Labels: राजस्थानी भासा

0 comments:

एक टिप्पणी भेजें

सदस्यता लें टिप्पणियाँ भेजें (Atom)